Gipanghimakak ni Ombudsman Jesus Crispin Remulla nga adunay nahitabo nga panag-istorya tali kaniya ug ni Senador Jinggoy Estrada may kalabotan sa iyang kaso nga plunder ug graft.
Matud ni Remulla, adunay impormasyon nga naka-abot kaniya nga adunay nagsuway og pakig-pulong sa maong senador, apan gipasiugda niini nga wala gayod siya nakigkita o nakigsulti bahin sa kaso.
Dugang pa niini nga ang basehan sa iyang opisina mao ra ang ebidensya ug dili ang mga politikal nga impluwensya, ug dili siya motugot nga gamiton ang Ombudsman isip instrumento sa bisan unsang politikal nga interes.
Una niini, giingon ni Assistant Ombudsman Mico Clavano nga ang kasong P573-milyon nga plunder ug graft batok kang Estrada ug uban pa adunay giingong kalambigitan sa politika.
Sa kasamtangan, anaa sa kustodiya si Estrada ug uban pa human nagpagawas ang Sandiganbayan og warrant of arrest tungod sa kasong plunder nga may kalabotan sa giingong anomalya sa flood control projects.