Gisuspende karong adlawa, Hunyo 8, 2026, ang klase sa tanang lebel ug ang trabaho sa mga teaching ug non-teaching personnel sa tanang publiko ug pribadong tulunghaan sa Bukidnon human mitay-og ang magnitude 7.8 nga linog. Gipahibalo sa City Disaster Risk Reduction and Management Office (CDRRMO) nga epektibo dayon ang maong kamanduan hangtod sa sunod nga pahibalo.
Tumong sa maong lakang nga hatagan og higayon ang pagpahigayon og safety assessment sa tanang bilding ug pasilidad sa mga tulunghaan aron masiguro ang kaluwasan sa mga estudyante ug kawani.
Samtang sa Dakbayan sa Malaybalay nasinati usab ang susamang pagtay-og. Sa eksklusibong pakighinabi sa Bombo radyo Malybalay kang Paulo Orong, ang School Principal IV sa Bukidnon National High School, gisaysay niini ang kasinatian ug kasamtangang kahimtang sa mga estudyante sa maong tunghaan.
Suamala sa principal anaa na luwas nga kondisyon ang mga bata ug paspas kining miaksyon sa tukmang buhaton kung adunay susamang panghitabo. Dugang pa niini, padayon ang operasyon sa abli klase samtang gipanubayan ang sitwasyon human sa ang makusog nga pagtay-og.
Samtang sa pikas bahin, nagpahigayon og safety assessment ang Sumpong Central School sa Malaybalay City, Bukidnon human sa linog.
Sumala sa pamahayag ni Armand Anthony S. Valde, ang principal sa maong tunghaan, daling gipaiway ang mga estudyante gikan sa mga lawak-tunghaan ngadto sa ilang safe zone aron masiguro ang ilang kaluwasan sa dihang nagsugod na ang pagtay-og sa yuta.
Dugang ni Valde, mapasalamaton kini gumikan nahitabo ang linog atol sa pagpahigayon og flag ceremony.
Hinuon, gikumpirma niini nga luwas ang tanang estudyante sa maong tunghaan human sa insidente.