Gidakop sa mga otoridad ang usa ka 23-anyos nga lalaki human kini aksidenteng nagpabuto sa iyang armas atol sa usa ka disko sa Purok 1, Barangay Lilingayon, sa dakbayan sa Valencia, ning sayo sa kabuntagon.
Gikabutyag nga nahitabo ang insidente takna alas 4:10 sa kaadlawon. Base sa inisyal nga imbestigasyon, ang suspek nag-inom atol sa usa ka disko sa basketball court sa maong barangay.
Giingong misulay pagkuot ang suspek sa armas nga gisukbit sa iyang hawak hangtod nga aksidente kining nakblit, hinungdan sa pagpabuto.
Nakaangkon usab ang suspek og gagmay’ng mga bun-og ug paso sa tuong bahin sa tiil tungod sa insidente. Narekober gikan sa suspek ang usa ka caliber .45 pistol nga adunay duha ka buhing bala sa magazine.
Nakuha usab sa crime scene ang usa ka kabhang ug usa ka deformado nga bala. Sa pagkakaron, gidala na ang suspek sa Valencia City Police Station alang sa tukmang dokumentasyon ug pagpasaka og kaso.Â