Giimbitar ni President Volodymyr Zelensky sa Ukraine si Presidente Vladimir Putin sa Russia alang sa usa ka face-face nga pakighinabi isip bag-ong lakang aron matapos na ang gubat.
Sumala pa sa sulat ngadto sa lider sa Russia, giingon ni Zelensky nga sayop kung maghulat lamang hangtod nga ang gubat sa Europa mahimong sentro pag-usab sa atensyon sa United States.
Gidugang niya nga ang kalinaw mahimo lamang pinaagi sa direktang pakig-estorya tali sa Ukraine ug Russia. Matud pa niya, mahimo ang maong pakighinabi sa Switzerland o sa Turkey.
Nanawagan usab ang lider sa Ukraine og hingpit nga tigil-putukan kon (ceasefire) samtang nagpadayon ang negosasyon, apan kini una nang wala dawata ni Putin.
Dugang pa niini, miingon si President Donald Trump nga mas maayo kung magkita ang duha ka lider ug naglaom siya nga makab-ot nila ang usa ka kasabutan.
Gikumpirma usab sa Kremlin nga nadawat nila ang sulat ni Zelensky ug ipahibalo kini kang Putin.