Giila sa House Prosecution Panel si Senador Sherwin Gatchalian isip presiding officer alang sa umaabot nga impeachment trial batok kang Vice President Sara Duterte.
Sumala ni House Justice Committee Chair ug lead prosecutor Rep. Gerville Luistro, sundon sa panel ang baruganan sa Kamara nga miila na sa bag-ong liderato sa Senado ubos ni Senador Gatchalian.
Gipasabot ni Luistro nga dili mahimong maghimo og kaugalingong posisyon ang House prosecution team nga supak sa desisyon sa tibuok House of Representatives, nga opisyal nang miila kang Gatchalian isip acting Senate President human sa reorganisasyon nga nahitabo niadtong Miyerkules, Hunyo 3.
Kung magpagawas man og lahi nga pahibalo ang kampo ni Senador Alan Peter Cayetano, gipasiugda sa panel nga kang Gatchalian gihapon sila motubag ug motambong sa impeachment proceedings.