Duha ka astronauts sa National Aeronautics and Space Administration (NASA) natanggong sa kawanangan sulod sa siyam ka bulan og wala nakadawat og ‘overtime pay’.
Giila ang mga astronauts nga sila si Suni Williams ug Butch Wilmore, nga nakabalik na sa yuta human sa ilang taas nga pagkatanggong sa kawanangan.
Matod ni NASA spokesperson Jimi Russel, samtang anaa pa sa kawanangan, giisip gihapon nga nag-ilawom sa travel orders ang duha isip mga federal employees.
Dugang sa NASA, giila kini og regular nga business trip sa duha ka empleyado sa gobyerno.
Nasayran nga usa ra unta ka semana ang giplano nilang pagpabilin sa space station sukad sa ilang paglarga niadtong Hunyo 5 sa miaging tuig.
Apan tungod sa daghang problema sa ilang biyahe paingon sa space station, napugos silang magpadayun og siyam ka buwan nga pagpabilin sa kawanangan.