Gituhoang 11 ka tawo ang namatay ug kapin sa 30 ang naangol sa nahitabo nga stampede sa M. Chinnaswamy Stadium sa Bengaluru, Karnataka, niadtung milabay nga adlawng Mirkules.
Ang maong trahedya natigayon samtang ang libuan ka mga fans ang misaulog sa kadaogan sa Royal Challengers Bengaluru sa Indian Premier League (IPL).
Subay sa report ni Karnataka Chief Minister Siddaramaiah, misulay ang mga fans sa premier league nga pugson pag abli ang usa ka gate sa stadium aron makasulod sa maong selebrasyon.
Napamatud-an nga naghatag og libre nga passes ang team pinaagi sa ilang website ug nagpahimangno sa mga fans nga sundon ang mga lagda, apan wala nila damha ang kadaghan sa mga tawo nga mitambong.
Bisan pa sa insidente, nagpadayon ang kasadya sa sulod sa stadium samtang giluwas ang mga naangol.
Gitawag sa Board of Control for Cricket in India (BCCI) ang insidente nga usa ka makalilisang nga panghitabo ug giila ang kakulangan sa preparasyon sa maong kalihukan.
Matod ni BCCI secretary Devajit Saikia, kini ang negatibong bahin sa pagkasikat.