Nakabilanggo na sa Quezon City Jail si Senador Jinggoy Estrada tungod sa kasong plunder human gisilbi ang iyang warrant of arrest.
Sa pagkakaron, nag-atubang kini og 3 kasong plunder nga walay piyansang girekomenda nga may kalambigitan sa giingong maanomalyang flood control projects ug kapin ₱500 milyones nga kickback.
Hugot nga gihimakak sa senador ang mga pasangil ug nisaad nga dili una modawat og suweldo samtang anaa siya sa sulod sa prisohan.
Samtang nagpagawas og pamahayag ang igsuon niini nga si senador JV Ejercito ug gipadayag ang kasubo apan kinhanglan matud pa atubangon ni Estrada ang kaso alang sa balaod ug hustisiya.
Kahinumdauman nga boluntaryong mitahan pag-usab ang Senador sa Criminal Investigation and Detection Group (CIDG) human nagpagawas ang Sandiganbayan og laing warrant of arrest batok niini.
Kini na ang ikaduhang higayon sulod lamang sa upat ka adlaw nga giisyuhan og warrant of arrest ang magbabalaod.
Sa iyang habig, gipahayag ni Estrada nga wala kini plano nga gamiton ang iyang posisyon sa Senado aron molikay sa maong mga pasangil.