Opisyal nga giila sa Guinness World Records ang usa ka 98-anyos nga beteranong British sa World War II isip pinakatigulang nga wing walker sa kalibotan human siya mitindog ibabaw sa usa ka naglupad nga eroplano sa England.
Kapin siyam ka minutos nga nagpabilin si Harry Heasman ibabaw sa eroplano samtang naglupad kini og labaw 1,000 ka tiil ang kataas sa Duxford Airfield.
Sumala kang Heasman, dugay na niyang damgo ang mahimong wing walker sukad pa sa iyang pagkabata ug wala siya magdahom nga matuman kini sa edad nga 98 anyos.
Aron maandam sa maong hagit, gibutyag niini nga miagi og hapit 11 ka bulan nga physical training aron mapalig-on ang iyang lawas ug hunahuna.
Tumong usab sa iyang record attempt ang pagtabang sa Lennox Children’s Cancer Fund ug isip tribute sa iyang asawa ug anak nga parehong namatay tungod sa cancer.