8-anyos nga bata sa Maramag, Bukidnon giingong gi-abuso ug nakasinati og grabeng trauma

Nakasinati og grabeng trauma ug bun-og ang usa ka 8-anyos nga batang babaye human giingong giabusoh ug gilampos sa yuta sa usa ka wala pa mailhing lalaki sa Purok 1, San Roque, Maramag, Bukidnon sa milabay’ng adlaw.

Sumala sa imbestigasyon, misulod ang suspek sa balay samtang natulog ang bata, gikuha kini gikan sa sulod sa ilang pinuy-anan, gikumot ang baba aron dili makasinggit, ug gidala sa usa ka palm oil plantation diin didto giingong gi-abuso ug gilambos-lambos hangtod nga nakuyapan ang biktima.

Sa pagkakaron, padayon ang imbestigasyon sa kapulisan aron mailhan ug madakpan ang suspek, samtang ang bata nag-antos sa pisikal nga bun-og ug grabeng emosyonal nga trauma tungod sa insidente.