Valencia City, padayon sa preparasyon sa pagpaayo sa lokal nga ospital samtang naghulat sa loan approval

Padayon ang preparasyon sa Dakbayan sa Valencia alang sa pagpaayo ug pagpahimulos sa lokal nga ospital samtang naghulat pa sa approval sa gipaabot nga loan.

Matud sa tigpamaba ug consultant sa dakbayan sa Valencia nga si Jun M. Galario Jr., nga ang proseso karon anaa na sa Manila alang sa final evaluation.

Gilauman nga maaprobahan ang loan sa bangko sa Hulyo o Agosto ning tuiga. Gipasabot usab niini nga gitan-aw nga pinansyal nga pundasyon alang sa pagtukod ug pagpalambo sa ospital.

Ang maong kapital mao’y yawe sa pagpadayon sa proyekto, busa dako ang paglaum nga mahatag kini sa gitakdang panahon aron mapadayon ang development sa health facility.