Dul-an P10,000,000 milyon nga kantidad sa mga kontrabando ang nasakmit ug 141 ka indibidwal ang nadakpan sa Police Regional Office 10 (PRO-10) sulod sa usa ka semana nga operasyon gikan niadtong Mayo 14 hangtod 20, 2026.
Ubos sa pagdumala ni Regional Director PBGEN Christopher N Abrahano, nakuha sa nagkadaiyang operasyon ang P5,066,560.00 nga kantidad gikan sa illegal mining, P2,537,760.00 sa smuggled cigarettes, ug P1,819,646.00 sa ilegal nga droga uban ang pagkasikop sa 72 ka suspetsado.
Gawas niini, nasakmit usab ang 29 ka gagmay nga armas diin 7 ang nadakpan, 4 ka sugarol ang nasikop sa illegal gambling, ug malampusong nadakpan ang 55 ka wanted persons (12 ka most wanted ug 43 ka other wanted).
Matud pa ni PBGEN Abrahano, kini nga kalampusan nagpakita sa hugot nga dedikasyon sa PRO-10 sa pagpatuman sa balaod ug pagpanalipod sa tibuok Rehiyon 10 batok sa tanang matang sa kriminalidad.