Gerald Anderson gipasabot kon ngano nga single siya karon

Nisulod sa punto si Gerald Anderson diin iyang gipili nga magpabiling single aron tutokan ang iyang kaugalingon. Gibutyag sa aktor nga gusto niya nga mahimong mas maayo nga bersyon sa iyang kaugalingon—isip partner, anak, ug igsoon—sa dili pa siya mosulod sa usa ka bag-ong relasyon.Matod pa ni Gerald, busy siya karon sa pag-andam sa iyang kaugmaon ug pagtukod sa kinabuhi nga iyang gusto sulod sa lima ka tuig.

Gipasabot niya nga kinahanglan siyang mag-focus sa iyang personal growth ug sa iyang career, ilabi na sa iyang bag-ong teleserye aron masiguro nga andam na siya kon moabot na ang saktong panahon para sa gugma.