Office of the President nag-apruba sa foreign travel ni VP Sara Duterte gikan Mayo 2 hangtod 15

Giaprubahan na sa Office of the President of the Philippines ang bag-ong petsa sa biyahe sa gawas sa nasod ni Vice President Sara Duterte.

Sumala ni Palace Press Officer Undersecretary Atty. Claire Castro, ang biyahe magsugod gikan Mayo 2 hangtod Mayo 15.

Gi-isyu ang approval niadtong Abril 28 alang sa iyang biyahe sa Netherlands, South Korea, Belgium, Germany, ug United Kingdom.

Kahinumduman nga una siyang mihangyo og biyahe gikan Abril 23 hangtod Mayo 15, apan giusab kini tungod kay ulahi nga naaprubahan, maong gibalhin ang petsa sa iyang travel schedule.