Nakatala ang usa ka 100 years old nga si Walter Orthmann nga taga Brazil og titulo sa Guiness World Record isip World’s Most Loyal Employee tungod sa pagtrabaho sa usa ka kopmanya sulod sa 84 ka tuig.
Usa ka talagsaong istorya ang gibida ni Walter kinsa nahimong simbolo sa dedikasyon ug pagkamatinud-anon sa trabaho.
Nagsugod kini og trabaho sa edad nga 15-anyos, ug wala mobiya sa kompanya sulod sa 84 ka tuig kansa padayon nga nagserbisyo.
Tungod niini, sa iyang pag-abot sa edad nga 100 anyos, nakarekord kini isip usa sa pinakataas nga nagserbisyo sa usa ka kompanya sa tibuok kalibutan.
Bisan sa daghang kausaban sa kalibutan sama sa mga gubat, rebolusyon, ug pag-uswag sa digital nga teknolohiya, nagpabilin kini matinud-anon sa iyang responsibilidad matag-adlaw.
Sumala sa mga eksperto, ang kinabuhi ni Orthmann usa ka pahinumdom nga bisan sa paspas nga dagan sa modernong panahon, ang lig-on nga commitment ug pagpadayon mao gihapon ang tinuod nga yawe sa kalampusan.