Nakatakdang makighisgot si US President Donald Trump kang Russian President Vladimir Putin karong Huwebes, Oktubre 8, aron hisgutan ang pagkamatay sa usa ka laboratory worker sa usa ka plague research center sa Siberia nga giimbestigahan tungod sa gituohang pneumonic plague.
Matud ni Trump, tumong sa iyang tawag kang Putin nga makakuha og dugang impormasyon bahin sa tinuod nga nahitabo.
Una nang gipadala sa White House ang diplomatic message ngadto sa Russia aron mangayo og dugang detalye bahin sa insidente.
Samtang, wala gikumpirma ni Kremlin spokesman Dmitry Peskov kung madayon ba ang panag-istorya sa telepono sa duha ka lider.
Gisaway usab ni Peskov ang mga report sa media nga giingong nagpakaylap og sayop nga impormasyon, samtang nagpadayon ang imbestigasyon sa pagkamatay sa 28-anyos nga laboratory worker. Matud sa World Health Organization, mubo ang incubation period sa pneumonic plague ug mahimong makamatay kung dili dayong matambalan.