Gisira sa Iran pag-usab ang Strait of Hormuz tungod sa padayon nga giingong “blockade” o pagbabag sa Estados Unidos sa ilang mga pantalan.
Gitawag sa Iran nga “piracy” sa kadagatan ang ginabuhat sa US.
Usa ka adlaw lamang human ipahibalo sa Iran nga abli na ang Hormuz Strait sunod sa napulo ka adlaw nga ceasefire tali sa Lebanon ug Israel, giatras kini sa militar sa Iran.
Sumala sa mga maritime security sources, adunay mga pagpamusil gikan sa mga gunboat sa Iran batok sa usa ka tanker, hinungdan nga daghang barko ang mibalik tungod sa tensyon sa lugar.
Ang Strait of Hormuz maoy agianan sa halos 20% sa suplay sa lana sa tibuok kalibutan, busa ang pagsira niini naghatag og kahadlok sa posibleng pagsaka sa presyo sa lana.
Gipahayag sa Iran nga magpadayon ang ilang hugot nga kontrol sa maong karagatan hangtod dili pa tangtangon sa Amerika ang ilang naval blockade.