Gibutyag ni Department of the Interior and Local Government (DILG) Secretary Juanito Victor “Jonvic Remulla, nga ginatrabaho na sa gobyerno ang mga legal ug diplomatic nga lakang aron masiguro ang pagpauli sa nasud ni kanhi Zaldy Co human kini madakpan sa Czech Republic niadtong Huwebes.
Sumala kang Remulla, sa pagkakaron temporaryong nakaditene si Co sa usa ka immigration detention facility human kini misulay og tabok padulong sa Czech gikan sa France ug natala isip undocumented foreign national.
Sa pagkakaron, nakapokus ang gobyerno sa pagplano sa mga pamaagi aron dali siyang mapabalik sa Pilipinas.
Lakip sa mga lakang ang padayon nga pakig-coordinate sa gobyerno sa Prague alang sa posibilidad sa deportation o pag-isyu og red notice.
Ginasuta pa usab kung adunay extradition treaty ang Pilipinas uban sa Czech Republic, samtang ang Department of Foreign Affairs (DFA) ang nanguna sa pakigtimbayayong sa mga awtoridad aron mapadali ang pagpauli sa kanhi kongresista sa nasud.