Gipresentar sa House prosecution panel sa Senate Impeachment Court ang testimonya ni AMLC Executive Director Ronel Buenaventura aron ipakita nga P319 milyon gikan sa mga kompanya sa China ang gipadala sa Cale88 Foods Corporation, diin giingong adunay 47.5 porsyentong business interest si Atty. Manases Carpio, bana ni Vice President Sara Duterte.
Matud ni private prosecutor Atty. Mae Divinagracia, tulo sa mga remittance ang gi-report sa bangko isip kaduda-duda tungod sa giingong kawalay legal o trade obligation ug klarong katuyoan sa negosyo.
Giingon usab sa prosecution nga dul-an P4.5 bilyon ang misulod ug migawas sa 15 ka korporasyon nga giingong adunay interes sila Duterte ug Carpio gikan 2022 hangtod 2025.
Dugang pa sa prosecution, P4.4 bilyon ang kinatibuk-ang covered ug suspicious transactions nga direktang giingong nalambigit sa mag-asawa gikan 2007 hangtod 2025.