Nanawagan si Akbayan Party-list Rep. Chel Diokno og dugang-suholan ug mas lapad nga suporta alang sa mga magtutudlo atol sa pagsaulog sa World Teachers’ Day.
Matud ni Diokno, importante ang papel sa mga magtutudlo sa edukasyon ug paghulma sa nasud, apan daghan kanila ang nag-atubang gihapon og problema sa pinansyal ug healthcare.
Gisuportahan niya ang House Bill No. 7649 nga nagtinguha nga madugangan og P15,000 ang basic monthly salary sa mga public school teacher ug non-teaching personnel sulod sa tulo ka tuig.
Gipangandam usab ang House Bill No. 7648 alang sa mas lapad nga hospital, healthcare ug wellness benefits sa mga magtutudlo ug ilang mga dependents, lakip ang pagtukod og teachers’ health centers ug specialty wards sa mga ospital nga gidumala sa Department of Health.
Ang duha ka sugyot nagpabiling pending sa committee level.