Gipahibalo ni Pangulong Ferdinand Marcos Jr. ang padayong pagpalig-on sa mga benepisyo, insentibo ug suporta alang sa mga magtutudlo atol sa pagsaulog sa National Teachers’ Day sa Araneta Coliseum sa Quezon City.
Lakip niini ang World Teachers’ Day Incentive Benefit nga madawat matag Oktubre 5 ug ang Performance-Based Bonus alang sa 2024 nga giproseso na sa gobyerno.
Gimandoan usab sa Pangulo ang mga hingtungdan nga ahensya nga ayohon ug paspason ang proseso sa paghatag sa bonus.
Dugang pa, gipalapdan sa gobyerno ang career opportunities, gipakunhod ang classroom observations ug gipagaan ang mga administratibong buluhaton sa mga magtutudlo. Kapin 82,000 ka magtutudlo ug school heads ang giingong napromote ubos sa Expanded Career Progression System.
Gipadayag usab ni Marcos ang pagpalig-on sa guidance ug mental health support sa mga tulunghaan, ingon man ang mga lakang batok sa bullying ug kapintasan.