Inflation sa bulan sa Septyembre, misaka sa 6.7%

Gibana-banaan sa mga ekonomista nga misaka sa 6.7% ang inflation sa Pilipinas niadtong Septyembre, diin mas taas kini og 6.1 porsyento niadtong Agosto.

Base sa poll sa 13 ka ekonomista, gilauman nga mosaka ang presyo sa pagkaon ug gasolina, samtang nakaapekto usab ang dili maayong panahon ug pagkaluya sa bili sa piso.

Kung matuman ang 6.7 porsyento, mao kini ang pinakapaspas nga pagsaka sa inflation sukad Abril, diin miabot sa 7.2%.

Gilauman usab nga mosaka ang core inflation ngadto sa 4.7 porsyento gikan sa 4.1 porsyento niadtong Agosto, nga nagpakita sa pagtaas sa ubang nagpabiling pressure sa presyo sa mga palaliton.