Nagbahad si US President Donald Trump nga magpatuman og naval blockade sa Strait of Hormuz, usa sa labing mahinungdanong agianan sa lana sa kalibutan, human mapakyas ang panaghisgot alang sa kalinaw tali sa Estados Unidos ug Iran.
Matud pa ni Trump, ang maong desisyon gihimo tungod sa giingong pagdumili sa Iran nga mosugot sa mga kondisyon alang sa gawasnon nga pag-agi sa mga barko sa maong dapit. Gipahayag sa Presidente nga “world extortion” o pagpang-extort sa kalibutan ang gihimo sa Iran pinaagi sa pagbahad nga adunay mga “mines” o bomba sa dagat nga sila ra ang nasayod.
Giklaro ni Trump nga ang Estados Unidos dili magpadaog sa bisan unsang matang sa pagpanghadlok.
Tungod niini, nabalaka ang daghang mga nasud sa posibleng epekto sa global nga ekonomiya ug sa presyo sa lana, sanglit dako nga bahin sa suplay sa petrolyo sa tibuok kalibutan ang moagi sa maong strait.
Sa pagkakaron, wala paโy opisyal nga kumpirmasyon gikan sa National Defense sa Amerika kalabot sa pormal nga implementasyon sa maong blockade, apan nagpabilin nga taas ang tensyon sa rehiyon sa Middle East.