Andam ang Pilipinas sa pakig-alayon sa bisan unsang nasud alang sa oil ug gas exploration ug wala lamang kini nakatutok sa China.
Kini ang gipahayag ni Energy Secretary Sharon Garin human gipermahan ni Presidente Ferdinand Marcos Jr. ang walo ka mga bag-ong service contracts alang sa eksplorasyon sa lana, natural gas, ug hydrogen.
Ang maong lakang gihimo dungan sa paglugway sa operasyon sa Malampaya gas field.
Gidugang ni Sec. Garin nga samtang aduna nay mga pribadong kumpanya nga nakig-alayon sa mga langyaw’ng partner gikan sa Australia, United Kingdom, Israel, ug Amerika, nagpabiling walay kontrata ang gobyerno sa Pilipinas ug China alang sa usa ka joint exploration.
Samtang, gipasalig sa Department of Energy (DOE) nga igo ang suplay sa LPG sa tibuok nasud bisan pa man sa padayong pagsaka sa presyo sa lana sa merkado. S
umala ni Energy Secretary Sharon Garin, duna nay nakitang alternatibong kuhaan og suplay ang kagamhanan ug mga kumpanya sa lana human mihunong sa pag-export ang pipila ka mga nag-unang major producers niini.