Nagpahayag sa iyang pagsupak ang usa ka residente sa dakbayan sa Malaybalay kalabot sa bag-ong gipatuman nga Anti-Public Intoxication Law, dungan sa pag-ila nga gikinahanglan gihapon ang pagsunod niini alang sa kahusay ug kalinaw.
Sa pakighinabi sa Bombo Radyo Malaybalay, gibutyag ni Alyas Raprap nga mas gusto niya ang mag-inom sa gawas nga bahin sa panimalay tungod sa hayag nga palibot niini kumpara sa pag-inom sa sulod sa balay. Bisan pa man sa iyang personal nga gusto, giangkon niya nga duna gyu’y mga higayon sa pagpang-harass ug pagbinastos sa publikong lugar tungod sa kahubog, apan alang kaniya, bahin lamang kini sa kalingawan.
Dugang pa ni Raprap, bisan kon dili siya uyon sa maong polisiya, wala siya’y mahimo gawas sa pagtuman niini isip kabahin sa balaod nga gipatuman sa kagamhanan. Iyang gipunting nga sa kadugayan, mamahimo kining magbilin og positibong epekto pinaagi sa pagpakunhod sa mga kagubot ug kasamok sa komunidad.