Giingon ni House prosecutor Bukidnon 2nd District Rep. Jonathan Keith Flores nga ang ₱6 milyong kantidad sa property nga nakarehistro sa ngalan ni Atty. Manases Carpio, bana ni Vice President Sara Duterte, dako na nga kantidad alang sa ordinaryong Pilipino.
Atol sa impeachment trial, gipresentar sa prosecution ang testimony sa Register of Deeds sa Davao City kalabot sa 379-square-meter nga property sa Barangay Matina, Davao City.
Sumala sa prosecution, ang property napalit og ₱6 milyon ug nagpabiling nakarehistro sa ngalan ni Carpio, base sa opisyal nga rekord sa Registry of Deeds.
Gipunting usab ni Flores nga kabahin kini sa mga ebidensiya sa prosecution sa Article II sa impeachment complaint, nga naglakip sa alegasyon sa unexplained wealth ug mga property nga giingong wala makita ang katugbang nga entry sa SALN.
Sa laing bahin, ang defense mitudlo nga adunay entry sa SALN nga may kalabotan sa Barangay 74-A o Matina Crossing, samtang giingon sa presiding officer nga wala siya makakita og eksaktong katugbang sa ₱6-milyong property sa 2025 SALN.