8 ka Lebanese State Security personnel, patay sa mga pag-atake sa Israel

Patay ang walo ka miyembro sa State Security sa Lebanon human sa sunod-sunod nga airstrikes nga gihimo sa Israel sa lungsod sa Nabatiyeh niadtong Biyernes, Abril 10, 2026, sumala sa opisyal nga media sa Lebanon.

Sumala sa state-run National News Agency, ang “enemy warplanes” ang responsable sa kusog nga pag-atake sa siyudad, lakip ang strike duol sa government building nga nakaigo sa opisina sa Lebanese State Security.

Nakita usab ang dakong kadaot sa lugar sumala sa usa ka AFP photographer, samtang nagpadayon ang sunog sa nahitaboang insidente.

Sa pagkakaron, wala pay opisyal nga pahayag gikan sa Israel bahin sa maong airstrikes.