Buwaya sa Florida, mitabok sa highway gamit ang pedestrian lane

Natigayon ang usa ka talagsaon nga panghitabo sa Florida diin usa ka buwaya ang nakita nga mitabok pedestrian sa may kalsada.

Sa usa ka video nga kuha sa pulis sa Hillsborough County, makita ang usa ka 7 feet nga buwaya nga anaa sa busy nga highway sa maong lugar.

Nadawat sa mga deputy sa Hillsborough County Sheriff’s Office ang report pinaagi sa social media ug dayon sila niresponde.

Sa ilang pag-abot, ilang nakita ang buwaya nga murag naghulat pa sa mga sakyanan nga molabay, sama sa usa ka tawo nga nag-obserbar sa trapiko.

Mas katingalahan pa, nakita nga migamit pa kini og pedestrian lane sa pagtabok sa kalsada, nga nakadani og dakong katingala sa mga nakasaksi sa insidente.