Nasikop kapulisan ang usa ka 74-anyos nga mag-uuma human malampusong nasikop sa gikasang operasyon sa Purok 7, Poblacion Sur, Don Carlos, Bukidnon, kaganihang alas 9:56 sa buntag, Abril 9, 2026.
Giila sa mga otoridad ang dinakpan nga si Henry Ronquillo y Balaquit alias “Boy”, minyo ug residente sa maong dapit. Nasikop ang suspek pinaagi sa warrant of arrest alang sa kasong gisulayang pagpatay (attempted murder) ubos sa Criminal Case No. 12844-26-P nga gipagawas niadtong Marso 31, 2026.
Ang maong operasyon gipahigayon sa mga sakop sa Don Carlos Municipal Police Station sa pagpanguna ni PMAJ Al-Nico R. Haman, uban ang suporta gikan sa Bukidnon 2nd Provincial Mobile Force Company ug sa koordinasyon sa Bukidnon Intelligence Unit.
Girekomendar sa korte ang piyansa nga mobalor og โฑ18,000 alang sa temporaryong kagawasan sa dinakpan.
Sa pagkakaron, ang suspek anaa na sa kustodiya sa Don Carlos MPS alang sa saktong dokumentasyon ug tukmang disposisyon. Kini nga pagkasikop kabahin sa nagpadayon nga hugot nga kampanya sa kapulisan batok sa mga wanted person sa tibuok lalawigan sa Bukidnon.