68-anyos nga tigulang sa lungsod sa Maramag, gikulata!

Landing sa Maramag Bukidnon Provincial Hospital ang 68-anyos nga biktima human sa gikulata sa Purok-7, North Poblacion niadtong Pebrero 13.

Sumala sa report nakaangkon og samad sa wala nga mata ug ubang bahin sa ulo ang biktima, samtang ang tulo ka suspetsado gilayon nadakpan sa mirerespondeng mga pulis.

Ang mga suspetsado nag-edad og 38, 32, ug 31 anyos, ug padayon karon ang imbestigasyon aron matino ang motibo sa insidente.