4,500-anyos nga barko, nadiskobrehan sa kadagatan sa Turkey

Posibleng labing karaan sa kalibotan ang usa ka barkong nalunod mga 4,500 ka tuig na ang milabay, nga nadiskobrehan sa kadagatan duol sa Kekova, Turkey.

Narekober sa maong lugar ang mga karaang banga ug kolon nga gituohang gigamit sa pagdala og mga baligya niadtong karaang panahon.

Kon mapamatud-an sa dugang pagtuon, mahimo kining labing karaang barkong nalunod nga nadokumento sa kalibotan, nga maghatag og bag-ong kasayuran sa karaang pamatigayon ug pagbiyahe sa dagat.