Walay natala nga seryosong insidente sa kalinaw ug kahusay sa Bukidnon atol sa pagpatuman sa seguridad alang sa Undas 2026, sumala sa Bukidnon Police Provincial Office (BukPPO).
Matud ni PMaj Joann G. Navarro, nagpabiling malinawon ang kahimtang sa probinsya base sa report ug monitoring sa mga police station, bisan pa sa kadaghan sa mga tawo nga mibisita sa mga sementeryo.
Gipahigayon usab ang hugot nga pagmonitor ug pagdeploy sa mga kapulisan kauban ang Armed Forces of the Philippines, Philippine Coast Guard, mga traffic enforcer ug force multipliers aron masiguro ang kaluwasan sa publiko.
Gidugang ni Navarro nga nagpadayon ang ilang pagpaniguro sa mga bus terminal, airport ug pantalan alang sa mga pasaherong mobalik sa ilang tagsa-tagsa ka trabaho ug destinasyon human sa Undas.