3 ka air assets ni  Zaldy Co, nakagawas sa nasud – CAAP

Gikumpirma sa Civil Aviation Authority of the Philippines (CAAP) nga tulo sa napulo ka air assets nga konektado  sa kanhi kongresista sa Ako Bicol R nga si  Zaldy Co, ang nakalupad gawas sa nasud.

Sumala ni CAAP Director General Raul Del Rosario, unang milupad ang usa ka helicopter niadtong Agosto 20, gisundan sa Gulfstream 350 jet niadtong Agosto 16, ug usa pa ka helicopter niadtong Septyembre 11.

Base sa rekord sa CAAP, ang Gulfstream jet nagtungas sa Singapore, samtang ang duha ka helicopter gidala sa Kota Kinabalu, Malaysia.

Hangtod karon, wala pa’y pahayag ang kampo ni Co o bisan kinsa sa iyang mga kapamilya mahitungod sa maong isyu.