HomeLocal News3 angol sa managlahing aksidente sa Bukidnon, ilimnong makahubog usa sa gitudlong...

3 angol sa managlahing aksidente sa Bukidnon, ilimnong makahubog usa sa gitudlong hinungdan

- Advertisement -

Angol sa tulo ka motorista sa managlahing aksidente sa kadalanan partikular sa lungsod sa Maramag, Don Carlos ug Malaybalay City, Bukidnon niadtong milabay’ng adlaw.

Lakip sa mga biktima ang 20-anyos nga babaye nga nagmaneho og motorsiklo nga nabangga sa likod nga bahin sa usa ka truck sa Sayre Highway, duol sa Central Mindanao University, Musuan, Maramag, pasado alas 3:55 sa kadlawon sa Nobyembre 12. Nakaangkon kini og bali sa bukog ug gidala sa Bukidnon Provincial Hospital.

Samtang, nakatamgamtam usab og grabeng samad ang 28-anyos nga drayber sa motorsiklo human mibangga sa usa ka Toyota Hilux atol sa pag-overtake sa Barangay Pinamaloy, Don Carlos, pasado alas 6:20 sa gabii sa Nobyembre 11. Wala usab kini makapakita og lisensya ug mga dokumento sa rehistro sa sakyanan.

- Advertisement -

Sa laing insidente, naangol usab si Delver Harold Mangaron Tadlas human mibangga ang iyang gimanehong sakyanan sa barricade sa Barangay Kalasungay, Malaybalay City, pasado alas 3:00 sa kadlawon karong adlawa.

Gikataho nga langon og ilimnong makahubog nga ang duha ka motorista sa Maramag ug Malaybalay, samtang padayon ang imbestigasyon sa kapulisan sa tanang insidente.

- Advertisement -
RELATED ARTICLES
- Advertisment -

MORE NEWS