MALAYBALAY CITY – Duha ka indibidwal lakip na ang drayber sa trak ang samaran sa nahitabong disgrasya pasado alas 1:00 sa hapon, Oktubre 29, 2025, sa Diversion Road, Casisang ning dakbayan sa Malaybalay.
Base sa inisyal nga imbestigasyon, ang trak nga gimaneho ni Michael Gargar nga naalanganin siya sa pagbahada tungod sa daghang mga sakyanan nga nagparking sa duha ka kilid sa kalsada diin ang ilang mga pasahero nagkaon sa usa ka kan-anan sa lugar.
Matud pa ni Gargar, posibleng malikayan ang maong insidente kon adunay kaugalingong parking area ang maong establisemento ug dili gamiton ang parte sa kalsada isip parkingan.
Lakip usab sa mga nadamay ang rescue vehicle sa City Disaster Risk Reduction and Management Office (CDRRMO) nga nakaparking sa maong dapit sa dihang nahitabo ang insidente.Ang mga biktima padayon nga ginatambalan sa balay tambalanan.
Samtang nagpadayon ang imbestigasyon sa mga otoridad aron matino ang hinungdan ug responsibilidad sa maong disgrasya.Kahibaloan nga ang maong dalan giila nga accident prone area.