Gimonitor karon sa kapulisan ug mga opisyal sa Comelec sa Zamboanga City ang mga tapok-tapok sa mga grupo sa politika sa gikaingong “poll watchers’ orientation” aron mapugngan nga magamit kini isip tabon sa kalihukan sa vote-buying.
Ang maong lakang gibuhat kini human namatay ang duha ka tigulang gumikan sa stampede niadtong Biyernes. Gibutyag ni Jan Christian Babiera, election officer sa ikaduhang distrito sa siyudad, nga gimanduan na niini ang kapulisan nga bantayan kanunay ang mga panagtigom aron malikayan ang susamang trahedya.
Sumala sa Zamboanga City Medical Center, ang mga biktima usa ka 80-anyos nga babaye gikan sa Barangay Baliwasan ug usa ka 65-anyos nga lalaki gikan sa San Jose Gusu, nga susamang nawad-an og panimuot sa tunga sa daghang tawo.
Base sa report sa kapulisan, ang gitawag nga orientation meeting gitambungan sa mga poll watcher. Gani, gisulayan pa og revive ang mga biktima, apan pareho kining gideklara nga dead on arrival.