Duha ka piloto ang nakabsan sa kinabuhi human nibangga ang usa ka Air Canada Express nga eroplano sa usa ka fire truck sa runway sa LaGuardia Airport sa New York.
Ang insidente nahitabo samtang nag-landing ang Flight AC8646 gikan sa Montreal, nga gidumala sa Jazz Aviation, mga alas-11:40 sa gabii.
Sakay sa eroplano ang 72 ka pasahero ug upat ka crew nga tanan nakalingkawas, samtang ang uban nakaangkon og mga minor injuries.
Tungod niini dali nga gisirad-an ang maong airpot ug nagpagawas og ground stop ang Federal Aviation Administration (FAA), nga miresulta sa pagkansela o pag-divert sa kapin sa 500 ka flights paingon sa JFK ug Newark airports.
Subay maong trahedya nagpahinabo kini og dakong kalangan sa liboan ka pasahero ug giisip nga usa sa pinakagrabe nga insidente sa LaGuardia sa niaging mga tuig.
Samtang padayon pa ang imbestigasyon aron matino kon operational error, miscommunication, o uban pang hinungdan ang nahimong rason sa maong panagbangga.