Mitahan sa sabakan sa gobyerno ang unom ka miyembro sa New People’s Army lakip na ang duha ka high-profile nga opisyal, atol sa operasyon nga gipangulohan sa 403rd Infantry Brigade sa lalawigan sa Bukidnon partikular na sa Barangay Dumalaguing, Impasug-ong.
Sa eksklusibong pakighinabi sa Bombo Radyo Malaybalay kang BGen. Seigfred C. Tubalado, Commander sa 403rd Infantry Brigade, ang duha ka opisyal kaniadto naglihok sa Oriental Mindoro apan nakadesisyong mutahan sa Bukidnon tungod sa kapoy ug kahadlok nga ilang nasinati sa kabukiran.
Gibutyag ni BGen. Tubalado, nga wala na kini makalahutay sa padayon nga pag-gukod sa militar nga misugod pa kaniadtong Mayo. Sumala pa sa opisyal, nga manag lahing adlaw ug higayon ang pagtahan sa maong mga miyembro sa NPA apan wala kini gisurender nga mga armas.
Samtang giawhag usab ni BGen. Tubalado, ang mga nahabiling miyembro sa NPA nga mutahan na balik sa sabakan sa gobyerno aron makasinati sa hingpit nga kalinaw.