1,800 ka residente na-stranded tungod sa grabeng baha sa China 

Nasinatian ang grabeng pagbaha sa Kuancheng Manchu Autonomous County sa China human sa walay hunong nga kusog nga ulan diin dala sa Typhoon Bavi, nga mao ang kanhing Bagyong Inday sa Pilipinas.

Kini nahitabo niadtong Domingo sa gabii, Hulyo 12. 

Sumala sa mga taho, niabot sa 260 millimeters ang gidaghanon sa ulan sulod lamang sa unom ka oras, nga maoy hinungdan sa grabeng pagbaha sa maong lugar.

Gibanabana nga 1,800 ka residente ang na-stranded sa ilang mga panimalay, samtang daghang mga sakyanan ang naanod sa kusog nga baha.

Padayon karon ang rescue operations ug monitoring sa mga awtoridad sa mga lugar nga naapektuhan.