Gisaulog sa 8th Infantry “DEPENDABLE’ Battalion (8IB) sa Philippine Army ang ika-53 nga Founding Anniversary niadtong Hulyo 11, 2026 sa Headquarters 8IB, Barangay Poblacion, Impasugong, Bukidnon, diin nanguna isip Guest of Honor and Speaker si Major General Marion T. Angcao, Commander sa 4th Infantry “Diamond” Division.
Gidayeg ni Major General Angcao ang 8IB tungod sa ilang operational accomplishments ug dakong kontribusyon sa kampanya batok sa insurgency, ilabi na sa ilang papel sa pagpaluya sa North Central Mindanao Regional Committee (NCMRC) pinaagi sa intelligence-driven operations, target nga operasyon militar, ug mga inisyatiba alang sa kalinaw.
Gipasidunggan usab ang mga sundalo nga nagpakita og kaisog ug dedikasyon. Tulo ka personnel ang nakadawat sa Gold Cross Medal, unom ang Military Merit Medal with Bronze Spearhead Device, ug duha ang Military Merit Medal.
Gihatagan usab og pasidungog ang mga opisyal ug enlisted personnel tungod sa ilang papel sa malampusong operasyon batok sa mga lider sa CTG.
Giila usab ang tulo ka CAFGU Active Auxiliaries isip CAA of the Year tungod sa ilang kontribusyon sa intelligence, operasyon, ug civil-military operations, samtang gihatagan og plaques of recognition ang mga kaabag nga organisasyon ug stakeholders sa pagpalig-on sa kalinaw sa mga komunidad.
Matod ni LTC Jeorge R. Jallorina, Commanding Officer sa 8IB, ang mga kalampusan sa batalyon bunga sa disiplina sa mga sundalo, lig-on nga pagpangulo, ug pakigtambayayong sa lokal nga panggobyerno, mga lumad, ahensya sa gobyerno, ug mga komunidad.
Sa pag-abot sa ika-53 ka tuig nga serbisyo, mipasalig ang 8IB nga magpadayon sa ilang misyon sa pagpanalipod sa mga komunidad ug pagtabang sa pagpalambo sa usa ka malinawon ug walay insurgency nga Bukidnon.
| 8th Infantry “Dependable” B