Posibleng moatubang og bag-ong reklamo ang 18 ka nagpa-ilang kanhing bodyguards ug “bagmen” nga mitestigo sa pagdungog sa Senate Blue Ribbon Committee sa kampo ni Senador Alan Peter Cayetano human nilang ilambigit ang pipila ka mga kanhing opisyal sa giingong anomalya sa flood control projects.
Gipadayag nila Senador Vicente Sotto III ug Senador Erwin Tulfo nga magpasaka sila og kasong libel ug cyberlibel batok sa mga testigo tungod sa giingong sayop nga mga akusasyon ug dili tukma nga detalye sa ilang testimonya.
Matud usab ni Senador Panfilo Lacson, posible usab nga manubag ang mga senador nga nagpahigayon sa maong hearing ubos sa cyberlibel ug Article 177 sa Revised Penal Code tungod sa giingong pagpahigayon sa committee hearing nga walay legal nga awtoridad.
Una nang mipasaka og reklamo sila Batangas Representative Gerville Luistro, Iloilo City Representative Julienne Baronda, ug kanhing Senador Antonio Trillanes, samtang hugot usab nga gipanghimakak nila Rep. Leila de Lima, Zia Alonto Adiong, ug mga kanhing miyembro sa Makabayan bloc ang mga alegasyon.
Samtang, sigon sa Philippine Navy nga upat sa 18 ka indibidwal wala gayod nahimong miyembro sa Philippine Marine Corps, samtang ang uban gi-discharge uban sa dishonorable status.