Nadakpan sa hiniusang pwersa sa kapulisan ug PDEA ang giingong Top 1 High Value Individual (HVI) sa probinsya human sa gikasang malampusong operasyon batok sa ilegal nga droga sa Purok 18, Poblacion, Valencia City, Bukidnon.
Giila ang dinakpan nga si alyas “Jufel”, 42 anyos, ug lumulupyo sa maong dapit. Nasakmit gikan sa posisyon sa suspek ang gituohang shabu nga mutimbang sa kapin kun kulang 6.1 ka gramo, nga adunay gibana-banang Standard Drug Price (SDP) nga nagkantidad ug Php 41,480.00.
Kasamtangang anaa naย karun sa kustodiya sa Valencia CPS ang dinakpan uban ang mga ebidensya alang sa saktong dokumentasyon ug disposisyon.
Samtang ang mga nakumpiskang pakete sa shabu gidala na ngadto sa Provincial Forensic Unit alang sa qualitative ug quantitative nga eksaminasyon.
Giandam na usab sa mga otoridad ang kasong paglapas sa Republic Act 9165 o ang Comprehensive Dangerous Drugs Act of 2002 batok sa suspek aron ipasaka ngadto sa korte.