𝐍𝐅𝐀-𝐁𝐮𝐤𝐢𝐝𝐧𝐨𝐧, 𝐦𝐢𝐩𝐚𝐬𝐚𝐥𝐢𝐠 𝐧𝐠𝐚 𝐛𝐚𝐬𝐭𝐚𝐧𝐭𝐞 𝐚𝐧𝐠 𝐬𝐮𝐩𝐥𝐚𝐲 𝐬𝐚 𝐛𝐮𝐠𝐚𝐬 𝐬𝐚 𝐩𝐫𝐨𝐛𝐢𝐧𝐬𝐢𝐲𝐚

Gisiguro sa National Food Authority Bukidnon nga dunay igong suplay ang probinsiya sa panahon sa kalamidad.

Gibutyag ni Glenn De Otoy, Information Office sa NFA Bukidnon, nga nakapalit og 200,000 ka bag nga bag-ong harvest nga humay gikan sa mga lokal nga mag-uuma sa probinsya.

Sumala ni De Otoy, nga muabot sa og 200 ka sako nga bugas ang mga napalit nga humay kon kini prosesohon.

Ang maong mga bugas, mahimong dugang reserba sa probinsiya aron matubag ang mga kakulangon sa pagkaon ug mapanalipdan ang mga konsumidor panahon sa krisis sulod sa 26 ka adlaw .

Kini nga lakang sa ahensya, nagtumong sa pagsiguro nga ang mga konsumidor sa probinsya dili maapektuhan sa kalit nga pagtaas sa presyo sa bugas, ug mapangandaman ang kalamidad.