Gitunol ang ₱400,000 nga pondo gikan sa DSWD ngadto sa Ronquillo Pigbuligaan Farmers Association sa Sitio Ronquillo, Barangay Can-ayan, Malaybalay City alang sa chicken egg production.
Gihimo ang turnover ceremony niadtong Martes, Agosto 25, 2026, diin gilauman nga makatabang ang proyekto sa pagdugang sa panginabuhian ug kita sa mga miyembro sa asosasyon.
Ang pondo gikan sa Sustainable Livelihood Program sa DSWD nga gitumong sa pagpalambo sa panginabuhian sa mga komunidad.
Mitampo usab sa programa ang 8th Infantry Battalion sa Philippine Army ug NTF-ELCAC, ilabina sa pagpalambo sa panginabuhian sa maong lugar nga kaniadto naapektuhan sa insurhensya.
Mitambong usab sila Malaybalay City Mayor Jay Warren Pabillaran, mga konsehal Jason Chad Ayala ug Manoy Legaspi aron ipakita ang suporta sa lokal nga panggobyerno sa mga livelihood program alang sa mga mag-uuma.
Gilauman nga pinaagi sa proyekto, modaghan ang produksyon sa itlog ug motaas ang kita sa mga miyembro sa asosasyon.