- Advertisement -
SPORTS — Gilaumang mokabat sa $10 milyon (o kapin ₱560 milyon) sa usa ka subasta ang usa ka iconic nga game-worn jersey sa NBA legend nga si Michael Jordan.
Ang maong puti nga jersey nga adunay sikat nga Number 23 gisul-ob ni Jordan atol sa Game 3 sa makasaysayanong 1998 NBA Finals—ang iyang katapusang championship season kauban ang Chicago Bulls nga nahimong sentro sa sikat nga dokumentaryong “The Last Dance”.
Giisip ang maong jersey nga usa sa labing bililhon ug gipangitang sports memorabilia sa tibuok kalibotan tungod sa dakong bahin niini sa kasaysayan sa basketball ug sa legacy ni Jordan.
- Advertisement -