Parehong paslak sa selda ang mag-uyab nga silang “Jay-ar”, 37-anyos nga giilang Street Level Individual (SLI), ug si “Cheryl”, 29-anyos, human sila nadakpan sa hiniusang anti-drug buy-bust operation sa Purok 2, Barangay 9, Malaybalay City niadtong Agosto 22 sa udto.
Malampuson ang maong operasyon pinaagi sa pagpaningkamot sa City Drug Enforcement Unit (CDEU) sa Malaybalay City Police Station, kauban ang 1st PMFC ug Bukidnon Provincial Intelligence Unit (PIU). Nakumpiska gikan sa mga suspek ang gibanabanang 5.074 gramos sa gidudahang shabu nga adunay standard drug price nga ₱34,503, kauban ang buy-bust money ug uban pang ebidensya.
Kasamtangang nagpondo sa detention facility sa Malaybalay CPS ang mag-uyab samtang giandam na ang pormal nga kasong paglapas sa Republic Act 9165 o Comprehensive Dangerous Drugs Act of 2002 batok kanila.