Gisuspende sa Land Transportation Office (LTO) og 90 ka adlaw ang driver’s license sa aktor nga si Niño Muhlach kasunod sa pagkabangga sa iyang sakyanan sa tulo ka tindahan ug pagkasamad sa usa ka tawo sa Antipolo City.
Gipadad-an usab sa LTO og Show Cause Order (SCO) ug gipailalom sa alarm status ang sakyanan sa aktor aron patubagon ug papasahon og pormal nga eksplanasyon kon ngano nga dili angay revokon sa hingpit ang iyang lisensya taliwala sa posibleng kasong reckless driving.
Giangkon ni Muhlach nga nakatug kini samtang nagmaneho tungod sa sobrang kakapoy, apan gipadayag niini ang kaandam nga moakatar sa bayronon sa ospital sa nasamdan ug sa tanang nadaut nga propedad. Gitakda nga moatubang ang aktor sa LTO alang sa pormal nga pagdungog sa maong insidente.