Gipadayag sa Monetary Board sa Bangko Sentral ng Pilipinas kon BSP ang pagtaas sa Target Reverse Repurchase Rate og 25 basis points, busa miabot kini sa 5.0 porsyento.
Gipataas ang interest rate isip usa sa mga nag-unang lakang aron makontrol ang hulga sa inflation, ilabina tungod sa epekto sa El Niño, pag-usab-usab sa presyo sa lana ug posibleng pagsaka sa suholan.
Tungod niini, ang interest rate alang sa overnight deposit ug lending facilities giplastar usab sa 4.5 porsyento ug 5.5 porsyento, matag usa.
Gilauman nga molapas una sa 4.0-porsyentong ceiling ang average headline inflation alang sa 2026 ug 2027, sa dili pa kini nga mokunhod padulong sa 3.0-porsyentong target sa 2028.
Gipasalig usab sa BSP nga andam kini nga magpatuman pa og dugang nga mga lakang sa monetary policy aron mapadayon ang kalig-on sa presyo sa mga palaliton sa nasod.