Zelensky, nainsulto sa pagbisita sa mga US envoy sa Moscow

Napadayag sa  pagkadismaya si Ukrainian President Volodymyr Zelensky human nibisita ang mga envoy sa Amerika nga silang Steve Witkoff ug Jared Kushner sa Moscow apan wala moagi sa Kyiv.

Gitawag kini ni Zelensky nga “disrespectful” tungod kay mas giuna pa ang pagpakigkita kang Vladimir Putin samtang nagpadayon ang gubat sa Ukraine.

Nasayran nga wala pa  makabisita ang maong mga opisyal sa Kyiv human mapunting ang atensyon sa Amerika sa tensyon sa Middle East.

Sa pagkakaron, nagpabiling “deadlock” o walay lihok ang negosasyon alang sa ceasefire tungod sa wala masulbad nga isyu sa Donbas region, samtang nanawagan si Zelensky og mas lig-on nga suporta ug pagtahod gikan sa Estados Unidos.