Mitumaw sa dokumento nga gisumite sa Korte Suprema nga si kanhing Ako Bicol partylist Rep. Zaldy Co anaa sa Nacka, Stockholm, Sweden niadtong Enero 15, 2026.
Ang maong ebidensiya nagpamatuod nga pinaagi sa iyang pirma ug identidad nga diin gilakip sa iyang petisyon batok kang Ombudsman Jesus Crispin Remulla.
Naghangyo si Co og Temporary Restraining Order (TRO) aron mapugngan ang implementasyon sa resolusyon nga nagrekomendar og mga kasong graft ug malversation batok kaniya.
Aduna usab warrant of arrest si Co gikan sa Sandiganbayan kalabot sa P289-milyong flood control project sa Naujan, Oriental Mindoro.
Sumala sa iyang mga abogado, migikan siya sa nasud niadtong Hulyo 19, 2025 alang sa medical leave ug wala na nakabalik tungod sa giingong hulga sa iyang kinabuhi.
Gipahayag usab ni Co nga nalapas ang iyang constitutional rights sa due process tungod wala siya hatagi og hustong pahibalo aron makasumite og counter-affidavit.
Gidugang pa niya nga dili igo ang mga nadiskubrehan sa Independent Commission for Infrastructure aron siya kasuhan.
Sa pagkakaron, padayon pang gihulat ang tubag sa Ombudsman bahin sa hangyo nga TRO sa kanhing mambabalaod.